【本報訊】「支竹喺我身邊一呎位插落嚟，好彩插唔中，唔係就大鑊，真係要劏雞還神呀！」土瓜灣落山道35號一幢大廈外牆維修，搭建有竹棚圍網，昨星期天工程暫停，一支竹昨中午12時許疑被風吹落街中，穿過圍網險插中一名的士司機，幸有驚無險。
事發前，一名姓黃的士司機將的士駛至大廈地下一車房內維修，其間他在車房外等候。
「我當時講緊手機，突然有一支10呎長嘅竹竿從高處直插落嚟，距離我僅一呎位。嘭一聲嚇到我立即走開，竹竿反彈打中一架停喺路旁等維修私家車。」命大姓黃的士司機，驚魂甫定後走入車房，通知39歲姓葉車房東主代為報警。警員到場上樓調查無發現，聯絡35歲姓廖工程負責人到場助查。