古天樂、楊千嬅和老公丁子高、吳浩康及張致恒等，昨日一同現身迪士尼，支持聯合國兒童基金會慈善跑2010，三人擔任不同崗位，古仔主持起步禮，千嬅負責頒獎，丁子高則參加慈善跑，各人都為慈善出力。
炮製愛心炒蛋
丁子高參戰10公里跑，最終順利跑畢全程，問他有否因參賽而心情緊張？丁子高說籌備下月婚宴一事帶來的緊張已蓋過一切，他近日正忙於準備賓客名單。記者再問千嬅有否整愛心早餐為他打氣？丁子高笑說：「早餐就冇，morningkiss就有，每朝起身都有。」
不過，記者向千嬅提到morningkiss時，她卻表現怕醜，並謂：「係咩？佢發夢咋，成5點咁早，十足摸黑。不過噚日我都有炒蛋畀佢食，佢冇吐返出嚟，又冇窒我，我諗都幾好味。」
古仔瘋狂開工
談到老公因籌備婚宴感到緊張，千嬅笑言：「我冇乜參與，好似好hea。佢係event王，當係自己工作咁搞，如果搞得差好樣衰。」千嬅透露已準備好婚宴要着的靚衫，但女家賓客名單仍未搞妥。另外，古仔仍要趕拍賀歲片《最強囍事》，幾乎每日都要拍20多個鐘，連早前腳傷要做物理治療也沒時間，更未能出席王天林的喪禮。
