Audi部R8Spyder遲遲未亮相，真係令車迷等到頸長！最近終於有好消息，原來R8Spyder4.2已經靜雞雞空降喺Audi金鐘個Showroom，雖然今次新亮相的唔係鮮紅色，而係銀色，但放喺Showroom一樣搶眼到暈！當然，只要知道呢款開篷Supercar跑車足足可以輸出420匹馬力，由0-100km/h只需4.8秒，極速可以去到301km，又點會唔搶眼呢！不過架車嘅價錢當然唔嘢小，車價超過220萬，5.2偈更加要250萬。雖然部車暫時未可以試住，但想一睹辣車風采，落去睇吓，至少都可以止一止車癮先啦！