劉嘉玲前晚到中環出席Cartier的第二晚派對，對於前緋聞男友連勝文在台助選遭槍擊，嘉玲嚴肅地表示難過，她謂已透過友人慰問連勝文，對於他已沒生命危險稍為安心，揚言遲點會到台探望他。
法國超級品牌Cartier連續兩晚在中環4號碼頭搭建的巨型珠寶盒，舉行VIP晚宴及派對，慶祝品牌登陸香港40周年及亞洲旗艦店重開的雙喜日子。前晚第二晚派對上，廣邀了中港台三地的名人明星，包括接丈夫梁朝偉棒的劉嘉玲、出爐金馬影帝阮經天等重量級class。
冇危險稍安心
嘉玲穿上近日新寵LanvinforH&M桃紅單膊裙赴會，問到曾與她傳出緋聞的好友連勝文在台助選時遭槍擊，她嚴肅地說：「好震驚，已通過其他人慰問咗佢，之前同佢有聯絡，知道件事都幾難過。」問到知否連勝文的心情及會否探望他，她說：「佢仲喺醫院，遲啲會探佢，希望佢冇事，知道嗰邊都幾亂，安心佢冇生命危險，其後手術都有啲複雜。」
新片未過足癮
問到嘉玲參與賀歲片《最強囍事》的進度時，她即露笑容說：「拍晒，呢套戲喺體力上消耗好大，都未過晒癮，每日拍唔同角色，又空姐，又o靚模，不過之後冇乜休息，有其他嘢忙。」
此外，台灣綜藝節目主持人阿雅因為好友小S緣故，與連勝文相熟，昨日她為節目《家有四千金》造勢時，被問到槍擊事件立即收起笑臉，嚴肅地說：「希望他早日康復，警方能盡快讓案情水落石出。」
採訪：R.AuYeung
攝影：ChanShunChing
