關仁隱事:「廢柴」污糟邋遢乞人憎 - 關仁

關仁隱事:「廢柴」污糟邋遢乞人憎 - 關仁

「廢柴」即係廢柴,究竟點樣令一條廢柴生性?難度肯定係十分。廢柴平日最鍾意同人呻呢個衰嗰個現實,但又從來唔反省自己廢自何處,其實佢份人貪小便宜又孤寒,成日贊助商借衫,但唔係借咗唔還,就係搞到啲衫污糟邋遢。

難成大器

有次廢柴着借番嚟嘅運動裝出鏡,當日佢化咗超厚粉妝,重手程度達到成層批盪鏟出嚟都得,加上佢又大汗,件運動衫除番出嚟後又濕又臭仲有粉,跟住佢塞埋一袋鹹魚咁還番畀人;見微知著,廢柴小小事都做唔好,又點會成大器吖!

Textby 關仁