陳法拉、琦琦及余安安昨日現身中環，出席時裝品牌TsumoriChisato面世20周年活動，法拉透露會與《義海豪情》同事一起慶祝大結局，問她對於《義》劇的收視時，她說：「冇想像中咁高，因為演員期望好高，想破《大長今》紀錄，話晒係自己劇。」
關係勝從前
對於有消息指法拉因與男友薛世恒結婚兩年未有所出，引來奶奶不滿，她對此說：「呢個有少少天馬行空，我係公眾人物，影響咗佢哋，唔好意思。」問她何時才生BB，她說：「遲少少先計劃呢啲，30歲啦。」再問她與薛母關係，她說：「我哋關係好過以前。」至於薛母是否奶奶身份，法拉迴避說：「你問番佢啦，有共識先公開，不過家反而同佢溝通多咗，佢俾記者追問都打番畀我。」再問她老公有否叫她停工作多留家中，法拉說：「冇，我身邊人支持我工作，今日唔知聽日事。」
採訪：歐陽慧恩 攝影：陳慧安