講起絕殺，大家可能諗起湖人嘅拜恩，其實金塊嘅安東尼（圖）都唔弱，上周五就憑佢嘅入球，主場以98:97擊敗公牛，呢次亦係安東尼職業生涯第14次絕殺。不過今次安東尼要多謝公牛嘅後衞盧卡斯，因為盧卡斯最後12秒炒晒兩個罰球，先畀到機會安東尼；可憐嘅盧卡斯上周五先獲公牛一張短期合約，今次做咗輸波罪人，隨時連份工都冇埋。