愛睇武俠小說，尤愛金庸作品；近代作家中要搵查大俠級數？難！但本周新碟《劍雨》，難得感受到一股俠味；武俠世界、兒女情長，開場打到收尾、絕無冷場，再加大S不斷露一露，緊張又醒神。
記者：許福合
人人都係高手
11月底聖誕Mood、購買意欲衝住埋嚟！今周碟場丁財兩旺，可惜好碟選擇唔多。《劍雨》唔算係大片，戲院上畫時聲勢亦算普通，但認真睇落，又有唔少驚喜。
女角細雨受人點化，歸隱小鎮、遇上愛郎；點知昔日組織追上門，險象環生間，發現枕邊人竟是高手，兼夾仲係自己仇人！望落好似幾老土，但近期睇得太多硬橋硬馬真功夫，忽然嚟套恩怨情仇、有故事嘅武俠片，睇落又幾有味道！
剝完又剝
Blu-ray音效有DolbyDigital5.1，其實幾場劍鬥場面，都可享受到劍氣縱橫嘅效果，最有印象係一班笨賊打劫錢莊，圍殺細雨，環迴聲效就比較明顯，睇碟時可以留意。
另外，睇碟時仲有幾個亮點，講嘅唔係打鬥或者靚畫質，而係大S在戲中剝完又剝，雖然都避過晒重點位置，但作為觀眾都應該相當有印象，甚至蓋過佢演技上嘅瑕疵，你可能會忘記余文樂等配角，但定忘不了大S嘅演出。
必睇位
