周秀娜（Chrissie）、關楚耀（Kelvin）、周國賢、2R以及谷祖琳等，前晚於中環出席時裝品牌HYSTERICGLAMOUR的活動。Chrissie表示男友十分喜愛這個品牌，言談間她又讚男友胸肌大，記者即笑指她的胸部同樣大，她聞言說：「我嗰啲係脂肪，我都想做多啲運動令到線條靚啲。」另外Chrissie透露今年收入比以往多，令她心思思想置業，似乎不想讓陳靜（DaDa）專美，Chrissie說：「爸爸話過埋年個樓市會回落，我想買一個大啲嘅單位，可以一家六口一齊住。」問她會否邀請男友同住？她笑說：「當然唔包男友啦，我唔包養o架，我哋財政獨立。」
Kelvin想裝假狗
此外Kelvin指現時因收入不多，故不會花很多錢買衫扮靚，反而最愛買內褲，他更不介意拍內褲廣告；問他會否學碧咸拍內褲廣告時「裝假狗」？他說：「咁碧咸塞我都塞啦。」
採訪、攝影：王崇穎
