【本報訊】支聯會今日召開第22屆會員大會，選出新一屆正、副主席及20名常委，昨日到醫院探望支聯會主席司徒華的支聯會成員透露，華叔癌細胞入骨，身體不時感到痛楚要進行電療，但健康狀況穩定，由於仍要留院休養，相信今日不會出席大會。華叔抗癌意志堅強，昨日透過支聯會義工在facebook留言：「感謝各界關心，會繼續積極治療」。
本周再全身檢查
支聯會今日召開會員大會，多名支聯會和民主黨成員昨日到醫院探望華叔，包括支聯會副主席李卓人、秘書何俊仁，以及民主黨副主席單仲偕和前主席楊森等。據知華叔剛完成一個治癌療程，本周會進行全身檢查，待醫生觀察其狀況後，再安排下一階段療程。
昨日往探望華叔的人士稱，華叔健康狀況穩定，各人與華叔閒話家常，逗留數十分鐘才離開。由於華叔要留院養病，相信今日不會出席支聯會大會。而支聯會昨日在facebook上載一幅民主黨五名立法會議員，上周三到醫院探望華叔的合照，相中華叔神情輕鬆，面露微笑，左手有一條三角帶托着手肘。華叔昨又透過義工在facebook留言：「感謝各界關心，會繼續積極治療」。當日探望華叔的民主黨議員表示，華叔精神頗佳，「大家都有講有笑」。
何俊仁昨日出席一個公開活動後表示，大部份支聯會常委都力勸華叔不要出席今日的會員大會，主要是因為華叔剛接受電療及化療，抵抗力較差，擔心出院會受感染，「坦白講，華叔整個狀態都唔係太好，雖然佢都係食到嘢、傾到偈，有時可以落到床坐，但係身體都係弱」。何又指，醫院方面已盡力協助華叔進行治療，希望為癌細胞入骨的華叔減低痛楚，「如果佢（華叔）有地方痛，醫生都會同佢電療，希望佢唔好咁痛，現時佢都OK，佢都好捱得，日前去探佢都有傾有講」。
成員撐連任主席
何俊仁相信支聯會成員會繼續力撐爭取連任主席的華叔，令華叔連續22年出任該職，「佢養病期間我哋會代佢處理啲職務」。何又表示華叔一直關心會務，「佢有啲嘢都有講低，但我哋唔講住，佢都有好多睇法，好多嘢佢都有指示」。