王祖藍、阮兆祥及李思捷昨日於將軍澳為「荃加福祿壽宇宙最長扮嘢大賽」任評判，李思捷於上周《福祿壽》惡搞陳偉霆（William），將其歌曲《Taxi》改版做《Twinz》，入面的歌詞更寸爆William與阿Sa一段姊弟戀，網友睇後亦激讚。問李思捷可會擔心兩位主角會嬲？他說：「唔會嬲喇，人哋大明星，唔會理呢啲嘢，之前佢哋都畀MMO（伴唱音樂）我哋，我哋都有同佢講話會唱佢緋聞，佢都話ＯＫ。」
阮兆祥抱病被玩
此外，阮兆祥帶病上陣更戴口罩到場，即被另外兩位拍檔取笑他財多身子弱。王祖藍亦不時以紙巾擦鼻，他說是鼻敏感，絕非財多身子弱。
採訪：王崇穎 攝影：葉君海