阿仙奴小將艾朗藍斯（圖）因斷腳休息9個月後，終於喺周二嘅預備組賽事披甲，不過，阿仙奴領隊雲格喺周四決定將佢外借到英冠嘅諾定咸森林至出年1月3日。呢名法國籍領隊話：「艾朗藍斯喺周二復出，而且表現好好，不過我覺得如果要佢盡快操起狀態，就一定要長期踢正選至得，所以我決定將佢外借至森林，等佢有番狀態之後再替我哋出力。」