呢排自己嘅生理時鐘正常番，就係日日有咩直播波都睇晒咁滯，冇計，興之所至，不過咁嘅作息時間，又點會正常？所以放假同冇放都冇咩大分別，都係死狗一條。
呢個星期睇歐聯，睇AC喺死亡之組出線，梗開心；我同藍鑽石都係ACfans，意見都出奇一致，冇錯，就係先安內而後攘外，AC喺意甲好耐冇威過喇，趁住家伊巴「弗」到咁，計我話應該先拎咗個聯賽冠軍，歐聯呢啲侈奢品，過多兩三季都未遲。
其實歐聯冠軍來來去去嗰幾隊，冇料就唔好死去；好似史浩克咁，早排頹到死，但又畀佢入到16強，好喇，出咗線，就要喺德甲做吓嘢喇，今個禮拜作客凱沙贏面都有嘅，不過作客贏過一場咁大把，都係博「大」穩啲，始終魯爾同亨特拉爾都有波入，等睇入球騷喇喂！
守丹
心水：凱沙羅頓大
近5場戰績：WLLWW
心得：史浩克客W都抵買o架！