黃日華近排慢火「炆」無綫，其實變相都為《刑警》宣傳，套劇都真係多人留意咗，難怪華仔唔單止熄火，而且心情大好，噚日佢就相約三哥苗僑偉同鄭則士一齊碌齡，為南華會百周年保齡球大賽嘅開球禮做嘉賓，華仔仲將三人合照放咗上微博，仲好謙咁話「與高手過招，小弟要行埋一邊。」聽聞華仔碌齡球技好，原來一山還有一山高。