由拍電影，做到家成為上市公司執行董事嘅周星馳，噚日出席博鰲青年論壇，大講內地電影發展機會，佢話全中國13億人口，以票房計，03年內地電影業整體票房唔夠10億元人民幣，但今年全年估計票房超過100億元人民幣；反觀只有3億人口的美國，舊年電影票房相等於600億元人民幣，故此佢個人非常看好內地電影市場。
席間有人問星爺點平衡投資風險，事關過去佢主演多部電影都鍾意起用新面孔，尤其係多用嫩口女主角，風險唔細。星爺答話：「選女演員最重要的是要靚女，身材一定要好，這就是我多年以來的心得。謝謝！」個論壇用普通話進行，所以成個答覆星爺都係用普通話發言。