自去年底開始，政府已連番出招，希望遏止樓市炒風。先是去年10月收緊豪宅按揭，今年初在財政預算案中又提出增加供應，以及增加樓花銷售透明度。4月更推出9招12式，規管一手樓花銷售。不過，樓價仍如脫韁野馬。
市民指落藥過重
樓市升未停，民怨積聚，8月份政府再出3招14式，打擊摩貨、收緊按揭、增加供應。不過，樓市炒風繼續，賣地場上天價成交。直至上月，特首在施政報告中公佈，增加土地供應，剔除房地產作投資移民，推出置安心計劃。一而再、再而三發功，市場的反應是──政府冇料到！市民慨嘆仍要做「樓奴」，80後繼續呻上不到車。
政府真的冇料到嗎？此番政府落重藥，加額外印花稅、降按揭成數，增加炒賣成本，樓宇成交即時大減，樓價終肯掉頭。藥到，但病未除。市民並未因政府出招，成效立竿見影而報以掌聲，反指政府落藥過重，市民更難上車。筆者不禁同情政府，落藥輕嫌冇效，落藥重恐推冧樓市。
話說回頭，政府絕對有能力推冧樓市，只是經過97年「八萬五」一役，政府變得聰明了。是次出招，政府是要告訴市場，炒樓宜自律，當政府「冇到」，政府口袋內的重招數會繼續出籠，屆時炒家沒運行、市民不敢上車，經濟亦受影響，「雙贏」做不成，弄出一個「三輸」局面，何苦！
張一鳴
mailto:[email protected]