學李卓人話齋，一定爭取到底！黑池隊長查理阿當（圖）日前明明爭取到會方之前欠佢嘅25,000鎊（約逾30萬港元）獎金，但唔代表會罷休。因為報道指原來佢爭取到金錢，但爭取唔到自由，英超聯會判佢一定要履行喺黑池剩低嘅一年半合約，令佢冇辦法可以自由轉會，家陣準備提出上訴喎。呢單嘢都搞咗一段日子，講真，查理阿當稱唔上係球星，換轉喺第二隊，邊敢咁惡死，之但係佢喺黑池係大哥大，又係希活、華尼之後球隊喺英超嘅第3射手。黑池想唔賣佢怕都唔得。