今屆英超真係老將當道，繼上星期有皮利斯回歸英超替阿士東維拉披甲之後，佢嘅阿仙奴前隊友蘇甘保（圖）都大有可能喺下周日紐卡素迎戰車路士時，為主隊正選登場。今年已經36歲嘅蘇甘保，因為兩個隊友高洛仙尼同埋米克威廉臣者都要坐波監，而成為紐記嘅及時雨。雖然蘇甘保舊年仲幫阿仙奴踢緊歐聯，但畢竟歲月催人，體能同速度都已經大不如前。今場佢老人家第一次上陣就要睇實出名步大力雄嘅杜奧巴，仲有速度有番咁上下嘅馬隆達，我求大俠真係戥佢牙煙咯！