民主黨卿姐近日心情忐忑，並唔係驚咗「選民力量」，而係星期日要出發去南韓，應當地傳媒機構邀請去演講女性從政及參與社會活動嘅體會。近日南、北韓交火，卿姐話向主辦機構查詢局勢，但未獲回覆，希望可平安歸來，噚日有記者影佢相，佢舉V字手勢，笑言可能係最後照片。
八方唔係黑心嘅人，一旦佢有乜差池，可能令到要佢「票債票償」嘅人好失望，誓言追擊卿姐嘅馬草泥、星屑等，唱咗首有心人改寫歌詞嘅《卿姐七友》送畀卿姐，歌詞十分絕：卿姐七友玩嘢呃選民，政改方案通過人神憤，俾佢呃到心驚震，人人大叫老鴿真係搵老襯。
聽歌可到 http://www.youtube.com/watch?v=detaZ66rARY