熱火擁有「SuperBig3」勒邦占士、獲迪及保殊，但今季戰績一般（8勝7負），球隊周三喺佛羅里達打吡鬥魔術，作客亦以95:104輸波收場。熱火家已錄得3連敗。湖人教練積遜日前「指點」，話熱火教練史普利斯查好快就會步史坦雲根迪後塵，皆因史坦當年喺06年球季中段被熱火炒魷，之後主席萊利（PatRiley、圖）領軍贏總冠軍。家做緊魔術教練嘅史坦就話積遜係危言聳聽，根本唔應該公開批評其他球隊，熱火嘅獲迪亦話唔明積遜為乜要咁做，之但係如果再輸嘅話，換教練都係遲早嘅事啦！