位於添馬艦嘅立法會新大樓明年落成入伙，明年10月議員會搬到新大樓開會，告別現時大樓活動下個月開始，12月4日立法會大樓開放日，會係喺現址舉行嘅最後一次，想趁機會參觀呢幢百年大樓設施嘅市民，要把握機會。
開放日在12月4日星期六舉行，時間朝10晚6，會有議員帶隊參觀，想睇吓特首俾人掟蕉現場環境係點，呢次可能係最後機會。開放日亦有自助創藝活動、步操樂團表演、立法會知識有獎問答遊戲同展覽等，入場毋須門票，查詢可致電：28699251。立法會98年起每年都舉辦開放日，去年開放日共接待2,422名市民，日後新大樓相信會保留開放日。