烏拉圭射手科蘭（左）啱啱獲一本美國男性雜誌選為「年度最佳運動員」，認真可喜可賀。呢位好好先生今年真係威到盡，唔單止幫馬體會先後贏得歐霸盃及歐洲超級盃，亦都幫國家隊殺入世界盃4強，自己更拎埋世界盃金球獎㖭！今次再獲得肯定，絕對係錦上添花。科蘭帶同太座領獎後依然保持佢一貫謙虛嘅作風，認為自己得獎全靠一班隊友、屋企人同fans支持咁話喎。咁識做人，難怪咁得人鍾意啦！