伍詠薇老公練海棠早前被指趁她外遊，偷嗒後生女在法國餐廳撐枱腳，更摸手仔。伍姑娘昨日在中環出席護膚品LaPrairie活動時，一見記者即風騷說：「放馬過來！」隨即護夫澄清說：「冇摸到手，我唔需要同公眾交代，我係100%、200%信任我嘅伴侶，如果佢曳曳，都唔會坐喺玻璃位啦，公然挑釁我咩？！」她又自我安慰地說：「起碼11年先影到呢啲相。」
伍姑娘對老公投信任票，但自己也傳緋聞。她昨日被踢爆夜會暱稱「苦榮」的無綫年輕劇組人員，被影到搭住膊頭行街食飯，她事後解釋兩人只是好朋友，男方當她媽咪，伍姑娘更幫他找女朋友。
採訪：JessicaNgan
攝影：RickyIp