聯儲局會議紀錄顯示，委員曾討論以較激烈嘅手段刺激經濟，言下之意係QE2仲未算係呢啲措施，從來政治與經濟緊密不分，相信聯儲局未來仲會有激烈手段。
花旗股市前晚反彈，道指升150點，不過已經到阻力位，反而納指率先現突破，高收2543，有機會試2600，花旗股市可唔可以繼續上就要睇科技股。
港股噚日反覆升30點，維持整固格局，內地股市企唔企得穩係港股短線去向嘅重要因素。
南航C輪23714：南方航空（1055）收報5.41元，升1.5%。股價早前下試50日線之後轉橫行，噚日輕微突破10日同20日線，成交增加配合走勢，9RSI都幾靚，有機會升破5.75元向6.30元推進，可以諗吓隻C輪23714。
隻輪現價1.01元，2011年1月28日到期，行使價4.50元，溢價1.9%，引伸波幅48.1%，槓桿率5.4倍（有效4.5倍），正股6.30元，23714睇1.82元，升幅8成，正股穿5.10元就沽隻輪計數。
俊樺