區聞海係九龍醫院行政總監區結成寫專欄時嘅筆名，最近區聞海升呢，兼任醫管局人力資源部門主管，睇實HA五萬名員工，恭喜恭喜。
醫院管理局呢排多人事變動，梁栢賢做行政總裁，人力資源部門主管羅熙達前日lastday，由於出缺未請到人，所以昨日起暫由區聞海兼任。區聞海在自己專欄低調透露有新工作任務，又用圍棋來講管理之道，指圍棋每粒棋子身份、作用都平等，每粒棋嘅價值，都要靠其他夥伴一齊先可充份發揮作用。八方唔係太曉圍棋，相信區聞海係想話HA上下五萬員工無分高低，雖然佢升呢，但都要靠其他同事合作先可以做好佢份工。