溫碧霞演戲多年，但首次受角色困擾情緒，她在新片《酒徒》中扮演中年怨婦，色誘張國柱玩一夜情後被唾棄，傷心羞憤而自殺。在現實生活中，從未被男人拒絕的溫碧霞，因過於投入角色弄至心情鬱結，幸而有好老公開解才得以逃離怨婦深淵。
溫碧霞在電影《酒徒》中扮演深閨寂寞怨婦王師奶，有一幕戲描寫她和張國柱發生一夜情，但該場戲僅以言語作交代，導演黃國兆踢爆她曾提出想親演床上戲，估計是想在四個女角中有較突出表現。
靠老公愛的治療
不過溫碧霞否認此說：「導演初時畀咗兩個角色我揀，妓女同王太，妓女我演過唔想再演，怨婦未演過，戲份唔多但感覺好出，一夜情之後再講我挑逗佢（張國柱），但俾佢拒絕，因為咁受到刺激而自殺，一夜情之後被拒絕再自殺，需要有個交代，驚觀眾會唔明。」
王師奶是一個悲劇人物，拍攝時憂傷情緒總困擾着溫碧霞，她不諱言若非現實中有個好丈夫，可能會熬不過產生自殺衝動，她說：「雖然係做戲，但講我引誘佢，拒絕我嗰刻自己個心真係好難受，眼淚係咁流，返到屋企個人仲好down，可能太投入個角色，我未試過俾人拒絕，通常都係我拒絕男人o架，如果唔係有個咁好老公陪住我，一齊睇啲開心電影，我都驚抽離唔到角色會自殺，有幾晚都瞓唔着，事前冇諗過做呢個角色會自己走火入魔到咁嘅地步。」
大讚張國柱好戲
溫碧霞在戲中和張國柱的對手戲雖然不多，不過溫碧霞卻覺得彼此的合作能擦出火花，她說：「張國柱真係好有戲，好開心同佢合作，演員做得好至會有真感覺出嚟，大家都好投入，我接拍呢部戲主要原因都係因為個角色有好多內心戲發揮，而對手亦係主要關鍵。」
採訪：魯萍
攝影：陳慧安
