黃日華日前於微博炮轟無綫於台慶當晚，未有重視台慶劇《刑警》，昨日華哥自發火後首次為劇集宣傳，他強調只是文字上的表達。稍後《刑》劇演員會接受《東張西望》訪問，但華哥卻暗寸因《義海豪情》快將播完，才將宣傳分配到其他劇上。
黃日華、苗僑偉（三哥）及宣萱等昨日到土瓜灣宣傳台慶劇《刑警》，黃日華早前於微博炮轟無綫，昨日三哥和宣萱利用此話題捉弄黃日華。眾人玩遊戲時，王君馨與黃長興分別將手槍插於胸前及褲襠，頗為意淫。
「有乜唔舒服寫出嚟」
昨日黃日華澄清未有發火，他說：「我向來都冇發火，我只係喺文字上加重咗，係以觀眾嘅角度去寫，所以先比較敢言，只係將見到有乜唔舒服嘅感覺寫出嚟。」華哥表示稍後與宣萱及苗僑偉接受《東張西望》訪問，問到可覺無綫為安撫他而補飛？華哥說：「又好難講，《義海豪情》又就快播完，咪將其他時間分配喺其他劇，總之有個心喺度做好每件事。」
問到心情是否已轉好，華哥說：「心情向來都好好！」至於下月的台慶頒獎禮會否出席，他表示要看三哥的決定，因三哥是眾人的阿頭。對於視帝誰屬，他直言看好黎耀祥。
三哥表示暫時仍未收到出席頒獎禮的邀請，但他坦言十分欣賞華哥的敢言，三哥說：「佢肯敢言講出嚟，公司唔記得而被忽略，咁表達咗就即刻關注。我都有表達，但華哥只係噴火咁噴出嚟，公司要係咁咪由佢囉，佢要噴出嚟發洩吓，我一定會撐佢。」有指稍後三人將接受無綫訪問，會否覺得無綫補飛？三哥說：「我唔知！唔好話補飛，公司都要做番啲嘢，係好正面o架。」
宣萱力撐華哥發火有理，至於可有安慰華哥，她說：「唔使喇，佢明o架喇，咁公司運作同以前唔同，要適應公司嘅轉變，適應到就拍，適應唔到咪走，我好明白華哥有咁嘅反應。」她直言宣傳明顯不足。
祥仔盼收視破紀錄
此外，黎耀祥與鄧萃雯昨日到港台接受訪問，劇集《巾幗梟雄之義海豪情》快將大結局，問到有否信心打破韓劇《大長今》的紀錄時，祥仔說：「都想o架，《大長今》都攞咗咁耐。」 採訪：王崇穎、胡比
攝影：陳慧安