【本報訊】公立醫院兩大婦產科巨頭張啟斌及劉子建，雙劍合璧在私營市場開檔搵真銀；張啟斌主理婦科，劉子建主責產前診斷。原來兩人相識約20年，1989年張啟斌在威爾斯醫院任高級醫生時，劉子建剛入威院接受培訓，兩人共事兩年多。數月前兩人談及合作開診，一拍即合。
看好私營市場
張啟斌與劉子建合作的診所位於名醫林立的中環中建大廈，最快明年2月中開業。張啟斌憶述，89年他轉到威院升職任高級醫生，劉子建剛到威院任初級醫生接受培訓，張在威院工作兩年8個月，二人成為要好的朋友。張啟斌讚揚劉子建是很出色的醫生，「佢好叻，教佢好快上手，好安樂畀佢單獨搞掂」。
張啟斌表示，數月前開始與劉子建傾談合作到私營市場開檔，「初初冇諗提早退休，傾開偈，出開嚟梗係一齊啦，咁先至話可以提早退休」。他形容兩人「一傾就一拍即合，大家都有意思」，又坦言看好私營市場，「同事個個搵到，聽佢返嚟講搵到錢」。本港出生率回升，內地孕婦湧港產子，會令市場蓬勃。他的決定獲得任職九龍西醫院聯網總監的太太董秀英醫生全力支持。因診所在中環，故他較難返回屯門醫院協助。