近日為劇集《刑警》備受忽視而大呼不平嘅黃日華（左）同苗僑偉，噚日接受商台訪問佢哋覺得係以觀眾立場出聲，三哥覺得TVB解釋牽強。至於會唔會出席頒獎禮，三哥話要同公司研究吓先，黃日華就話睇三哥頭。另外，講到同郭羨妮嘅緋聞，三哥話係宣傳一則，佢同三嫂十幾年前搵對方做眼鏡代言人經已認識，三嫂更主動安慰郭羨妮。