一代笑匠許冠文噚日下晝4點左右，着住便服喺中環置地廣場，拖住個拉篋行出嚟。自從早兩個月俾人踢爆佢68歲生日前夕，單拖走上東莞玩之後，噚日許冠文嘅警覺明顯非常之高，佢好快就發現咗附近影相嘅記者，仲用啲好唔友善嘅眼光望住佢哋。另一方面就見佢不停打電話，冇幾耐接佢嘅私家車就出現，佢亦急急腳上車閃咗。