從事鮮橙種植、去年11月上市的亞洲果業（073），向新加坡主權基金淡馬錫、AntaCapital、富達基金、香港復華投信資產管理、MartinCurrie、厚樸基金、惠理基金及WellingtonManagement的若干投資顧問客戶配售1.75億股新股，每股配售價8.88元，集資逾15億元。配售價較前收市價10.80元折讓17.8%，配售股份佔已擴大後股本14.5%。
亞果在上市時因癲價事件令公司形象受損，現在可以「高價」配股予星級機構投資者，呢間具農業概念的公司，值得深入研究。
基金睇好農業股
由於定價較前收市價有一定折讓，或是吸引以上投資者的其中一個條件，不過以上投資者雖有對冲基金在內，卻是以較長線基金為主，約10個巴仙的短線利潤，未必是吸引以上投資者眼球的主要原因。另一方面，亞果屬於交投較疏落股份，機構投資者要出貨也非易事，以上基金因乜接貨，可能真係因為公司能夠提供唔錯的前景預測都未定。
該公司上月以20.4億元，收購一家濃縮果汁生產商北海果香園92.94%，根據亞果配股通告表示，是次集資所得擬用作償還有關收購果香園食品的7.8億元現金代價、擴充果香園食品產能，以及因擴充產能所需的額外營運資金。以上收購規模唔細，原來是有配股計劃在後。
在高通脹時期，農業股獲基金睇中一啲都唔奇，除了亞果，中國森林（930）早前股價亦相當強勢，不過如果睇唔通生物資產重估等數字對公司估值因素，簡簡單單可以揀第一拖拉機（038）。中國政府講明要增加農糧供應，行業前景不容置疑，而且政策風險細，相對於一批隨時會被限價干預的內需股，大行隨時調高一拖的估值。一拖收報7.95元，升2.5%。
歐陽風