啱啱完成上海巡迴演唱會首輪兩場，要到聽日至再開騷嘅阿菲，趁休息空檔即刻落嚟香港掃貨。噚日就見阿菲喺中環出現，當時王菲以一身灰色打扮、黑色長靴加上一副墨鏡。佢今次都算滿載而歸，自己孭一袋之餘，助手都幫佢孭咗一份戰利品。只見佢一面講住電話，對身邊影佢相嘅記者視若無睹，貫徹佢一向cool爆嘅性格。