楊千嬅和老公丁子高婚禮籌備得如火如荼，作為人妻的千嬅昨日出席防止婦女受虐活動，回憶往日做護士時，見過不少家暴事件，令她心痛又無奈。她透露和老公為搞婚禮都爭拗多了，潮州妹的她又聲大大，但千嬅自信兩人絕不會動手動腳，會互相包容溝通。
楊千嬅、何超瓊和應屆港姐陳庭欣等，昨日在銅鑼灣出席「消除對婦女暴力」的宣傳活動。千嬅自爆小時候都曾被父母打，但只是很輕微，她說：「爹哋鍾意罰我企，就算籐條都係打兩籐啫。」
見過受害人啞忍
回憶入行前做護士期間，千嬅見過不少令人心痛的家暴事件，她說：「我見過好多個案，曾經有個女人成塊面瘀晒，佢話係俾老公打，我話咁就要報警，佢即刻話係自己跌親，真係好遺憾。有時打開報紙，見到天水圍都仲有體罰，老婆被打，真係難過。」
千嬅和丁子高結婚，成為新家庭，她謂有信心不會發生家暴事件，丁子高更絕不會出手。
千嬅說：「我係潮州人，最多講嘢大聲啲，呢啲（打老婆）事件，有第一巴（掌），就有第二巴、第三巴，點嬲都唔可以出手，兩夫妻相處係要包容同埋溝通。鬧交時，係EQ同IQ平衡，我對佢係好有信心。」
自爆擺酒有爭拗
下月婚事要擺兩日，千嬅透露和丁子高都為擺酒行程、安排有拗撬，她說：「佢有壓力，大事畀晒佢搞，佢做開公關，會畀幾個plan我揀，過程都有拗撬，又要逐一通知啲賓客，多謝人哋咁。」
採訪、攝影：RitaLeung