呢排七國咁亂嘅車仔管理層又再有料爆，知情人士透露，安察洛堤（圖）不滿自己唔受董事會同油王阿巴莫域治嘅尊重，今次高調講和只係門面工夫，實際上雙方嘅角力根本唔會完。咁搞法，睇怕肥安喺車仔都時日無多咯。人未走，茶已經凉咗大半，英國嘅博彩公司當正肥安俾人炒咗咁，已經開埋盤畀人賭邊個係下任車仔領隊，之前做過替工嘅軒迪克仲被捧成2.5倍大熱㖭！