聖誕快樂！仲有一個月就到聖誕節喇，港九各大商場出盡法寶務求丁財兩旺，連開記者招待會都令人目不暇給。好似圓方ELEMENTS嘅記招，就搵嚟兩個聖誕「靚」人加一班小小聖誕老人介紹節目，真係大人細路都睇得開心。呢班咁得意嘅小小聖誕老人查實係SDM爵士芭蕾舞學院嘅學生，今個月尾會一連兩日喺圓方表演聖誕舞蹈，得閒不妨去影吓靚相！