巴塞i博物館近身攬　美斯三寶

到巴塞隆拿，有件事就如同交稅般無可避免，就是到FCBarcelona球場一趟。誇大了影響力嗎？絕對沒有，擁有16萬會員的百年球會，連阿媽對足球僅有些微認識都知佢個名。現在，球迷除了能到當地球場歡呼，還有立體化巴塞百科全書睇！Goal！

記者、攝影︰吳美美
鳴謝︰卡塔爾航空、西班牙旅遊局

博物館Go！
iPad式觸控互動睇

「Campnouexperience」代表遊這場地三個主要合成物，博物館、球場、megastore。球迷們應該最心急踩入魯營球場（CampNou），但今次主場是年中重新開張的博物館，未變新前，已吸引每年逾1.2百萬遊客，是繼畢加索博物館後第二人氣最旺的遊點，但upgrade後相信有機超越故人。
過往的只是平面地帶出球會過往種種，但新登場的卻滲入類似iPad觸控螢幕的互動手法，所以，館內是呈暗黑狀態以方便彩色屏幕顯示，只要觸控想知部份就會即時放大有關資料，由於照片清晰度太好，眼見遊客不斷地對住螢幕flatcopy。
由1899年球會從瑞士商人Gamper創立歷史開始，展品包括上帝之手馬勒當拿效力巴塞時穿的10號球衣，以至今屆世界盃獎盃都有放置館內，但眼見最抓住大家的卻是有關超級球星美斯的物件，例如在巴塞奪得聯賽冠軍時他穿過的球靴、射入聯賽第五千個波時穿的波衫和足球，這個「美斯三寶」已經變成影相位。而下一站到球場也有扮與球星合照、扮拎獎盃和扮接受訪問等幾個影相位，亦是最人氣的項目。

■呢件1910年代最舊波衫，有實物又可篤大慢慢睇。

■世界冠軍球會盃。

■為遷就螢光幕，室內燈光長期偏暗。一字排開的獎盃可見巴塞戰績強勁。

■以前博物館裝修好老土呀！

■i世代，博物館都要全觸控。

■顯示屏質素超高清。你睇遊客係咁flatcopy。

3大影相位︰
與偶像合照！

可選扮與偶像球員在球場合照（每張15×23cm收費約$126.7）。

扮接受訪問！

球員比賽後在贊助商牌前受訪。

扮拎獎盃！

記者室捧獎盃，感受吓球星攞獎光輝一刻。

球場Go！
五星級球場搞婚禮

走向下層，向CampNou進發。而這個被評為「五星級球場」的魯營球場，基本上，西班牙的重要賽事都於此舉辦，如1982年的世界盃、1992年奧運決賽等。除了入場睇波歡呼，場內亦可舉行婚禮，球癡們有得諗喎。往球場前，大家先會通往客隊更衣室及傳媒採訪地，內裏放置獎盃一座俾你扮吓捧盃影得獎感受。

■由過往容納98,000人提升至106,000人。

■全場至靚景喺邊？梗係記者席啦！

■客隊休息室任人睇，主隊就唔得啦！

MegastoreGo！
美斯10號球衣最熱賣

睇完影完，是時候入貨！寫明megastore，有關巴塞的一切都可買到，波衫自然是球癡必入，特別是美斯的10號球衣keep住有人買，不過，要留意衫上的章是逐樣計錢的。另外推介有NikeiD部門，可在球鞋、球衣即時縫製所想要字母。

■Megastore超大，特設觀眾席俾人「中場休息」。

■FCB水樽約$53.7

■美斯10號球衫連章約$980

FCBarcelona

入場費︰成人約$200、兒童約$163
地址︰Carrerd'AristidesMaillol,Entranceno.7

情迷巴塞隆拿W

完成20小時機程的壯舉後，渾渾噩噩被車至WHotel。推開房門，幾咁睡魔急call都立時一醒！即時要學WHotelWow的哲學大叫！房間對住擁有剛好日落的地中海，成個景靚到以為投射螢幕，狂影日落後，回望房內，設計走modernchic路線，白色與玻璃的通透感貫穿房間，再加上外表極有「杜拜帆船酒店」的外貌，令我很後悔冬天才來到這樂土，早一個月我就可望住NovaBocana海濱加送無敵地中海曬太陽兼暢游。這裏的服務員位位笑笑口，見親客人都撩傾偈，感覺良好。再良好一點，就是試了西班牙唯一的BlissSpa，當然備有招牌TheTripleOxygen，記得做完facial後，必要走側門，可超近距離一覽無遺地中海，靜心聽風看天，你會知道人生識嘆好緊要。