自己條底褲咩色呢個問題，應該唔會有人喺開會時同過百人分享，但係若果講人哋嘅底褲係咩色就唔同嘞，大家就會好hyper。而呢啲討論題目，相信只會喺洋人嘅研討會先至會出現。
噚日亞太貸款市場協會（APLMA）搞咗個亞太區銀團貸款市場展望研討會，可能主人家都驚悶親大家，所以就喺會場上為每位與會者安裝一個遙控，等大家可以用遙控就大會準備嘅問題發表意見，但係全部都係選擇題。
最後一條問題就係高潮所在！APLMA主席JohnCorrin（圖）問大家：「PhilLipton（滙豐董事總經理兼銀團貸款部主管）嘅底褲係咩顏色？」選擇有1.紅色、2.白色、3.藍色、4.格仔，同埋5.無着，結果55.9%揀5……唔通大家聽到滙豐就揀5號？
李華華