麻煩多多嘅「多哥球王」艾迪巴約（圖）又有新搞作，佢日前自己單方面宣佈祖雲達斯已經同曼城傾掂數，一到1月轉會窗重開就會借自己去意大利。呢位麻煩友日前接受訪問時話：「我都唔知自己得罪咗文仙尼乜嘢，佢硬係唔畀我落場。」但艾迪巴約去到祖記都未必有得踢，事關祖記嘅「新尼維特」卡錫已經霸咗唯一一個非歐盟球員位，咁艾迪巴約又點會有位踢呢？