上周末作客以1:0贏咗湘南比馬之後喺日聯封王嘅名古屋鯨魚，噚日係佢哋首次捧盃後返到主場作賽，對護級分子FC東京。正當全世界都諗住鯨魚會以贏波嚟同球迷慶祝佢哋創會以來首個聯賽錦標，鯨魚居然輸0:1完場，後衞田中鬥莉王（圖）仲躁底，完半場前食咗面黃牌㖭。鯨魚賽後仲好似乜事都冇咁，繼續同球迷慶祝，都算係「禮義廉」咯！