目前喺英超包尾嘅韋斯咸雖然遲遲唔肯炒領隊格蘭，但近日就傳率先會炒格蘭嘅副手柏度域。外間盛傳韋斯咸傳奇人物迪肯尼奧（圖）將會出山返韋咸救駕，擔任球隊嘅前鋒教練。其實42歲嘅迪肯尼奧之前都冇乜執教經驗，今次韋斯咸搵佢返去都係象徵意義大於一切，未必有乜嘢實際用途。但會方就好期望迪肯尼奧可以一振低迷嘅士氣，幫球會喺周末迎韋根嘅護級前哨戰中贏波。