去年世界賽後，我多了好多花名，四眼妹、女版傅家俊……，其實我冇所謂，反正四眼妹係我由細到大的標誌。
可能係遺傳，我同家姐、阿哥自細就有近視，小學開始戴眼鏡，家近視600幾度、散光400幾；由於散光太深，戴不到隱形眼鏡。可能由細戴到大，我唔羡慕戴隱形眼鏡嘅人，樂天啲諗，戴眼鏡反而成為我嘅標誌，本來唔識我嘅人都好易記得我。
電髮新look爭衞冕世錦賽
家我有兩副眼鏡，一副比賽用（手持着），一副出街用（戴着那副）；在廣州奪金就係手上呢副冇框眼鏡，我用咗兩個幾月，冇框嗰副有鼻托，可以自由調校位置，方便我打波時「瞄波」。我唔怕戴眼鏡打波，最怕打打吓眼鏡爛，所以比賽時兩副都會帶喺身邊。
會唔會將部份亞運獎金（共37萬元）買多幾副眼鏡？我覺得兩副就夠了，從廣州返港後，我電了髮，你看分別不大吧！我以前電過幾次，今次想轉一轉髮型，想喺下月敍利亞世錦賽力爭衞冕時，睇起嚟醒神啲。記者：徐嘉華
吳安儀
（廣州亞運英式桌球女團金牌、單打銅牌）
上周在亞運期間滿20歲，成名作是去年11月奪世界業餘錦標賽冠軍，當時已有傳媒叫她「四眼妹」；07年中五畢業後開始在父親的波樓工作，今年開始專心做全職桌球手。