劉德華的20場紅館演唱會下月開鑼，今次華仔請來不少幕後猛人助陣，繼有米高積遜生前排舞師外，還請來著名日本時裝大師山本耀司為他設計歌衫，更獲對方親自接待度身，令他受寵若驚。
共20場的「劉德華Unforgettable2010演唱會」於下月在紅館展開，近日華仔的綵排工作進行得如火如荼，今次他找來多位幕後猛人相助，繼有已故巨星米高積遜（MichaelJackson）排舞師TravisPayne傳授舞功外，歌衫方面也一絲不苟，請來日本殿堂級設計師山本耀司（YohjiYamamoto）為他打造舞台形象。
當年賺到錢即買
日前華仔趁山本耀司來港出席活動時邀請對方見面，原來他親邀山本耀司為個唱設計戰衣，估不到對方爽快一口答允。
華仔興奮地說：「YohjiYamamoto呢個牌子對我嚟講好有情意結，我記得細個時已經好鍾意佢嘅設計，甚至視佢為神，仲記得喺藝員訓練班出身後第一次賺到錢，我就一擲千金買咗佢品牌嘅衫，估唔到家竟然可以同佢合作，簡直妙不可言。」山本耀司為華仔打造的戰衣將在個唱的開場及壓軸部份出現，以示他對大師的尊重。
華仔對Yohji固然萬分敬重，料不到大師對華仔一樣畀足面，華仔早前和個唱服裝設計師一同到日本拜會Yohji，除獲他們的設計隊接待外，Yohji突然現身為華仔度身。
「親自幫我度身」
華仔說：「當時見到一隊人包括首席設計師我已經受寵若驚，點知Yohji突然出現，親自同我傾歌衫細節，全程都零架子，佢仲親自幫我度身，又跪地幫我扣皮帶，令我唔好意思。」Yohji設計團約兩星期前派出一行三人，把已做好的第一批歌衫送來香港，並由YohjiYamamoto的首席設計師為華仔試衫，果然畀足面。
撰文：葉雪