徐淑敏（Suki）昨日到銅鑼灣出席攝錄機活動，更拍下囡囡生活片段即場播出，由於不想囡囡正面上鏡，故只拍她的背面及腳仔。之前Suki疑似再度有喜，昨日她透露是食詐糊，她說：「因為之前月事冇嚟，但今日有番，我有同老公講，佢只係哦咗一聲。」
Suki聲稱以平常心迎接第二胎，不會給自己太大壓力。問無綫是否暫不給她工作，以便她有空造人？Suki笑說：「佢哋都唔夠膽叫我，但我冇所謂，好似我有第一胎都照做嘢。」
畀囡囡聞酒
提到Suki和Kenny被指讓囡囡飲酒，Suki澄清說：「其實唔係，可能我講得唔清楚，只係畀佢聞，訓練嗅覺，奶奶睇到報道都唔係咁開心，所以要講番。」
採訪、攝影：張俊銘