蕭若元個大仔蕭定一終於拉埋天窗，但結婚嘅唔係多年前傳拍拖嘅李彩華，而係一位圈外女友Michelle，佢同Michelle會喺呢個星期六喺數碼港擺酒大宴親朋。一對新人之前仲去咗巴黎、峇里島同多倫多影婚紗相，問到會唔會生BB？阿一話呢啲要順其自然，但唔會刻意避，因為老婆係圈外人，所以到時婚禮會低調咁進行。