隨着政府上周突重手打壓樓市炒風，令多個屋苑在周日罕有錄零成交，而市場估計炒樓資金可能轉戰股市，但據筆者了解，早在數月前已有不少炒樓資金轉陣！整體上，今年上半年在樓市搵食較股市易，若在年初以合理或更佳價格購入優質物業，應已有不俗利潤。在政府首次出招壓抑樓市時，力度雖不大，但醒目炒家已感不妙，開始將資金轉移，正如好友老蔡早前原主力投資豪宅，獲利甚豐，令筆者心癢，惟在數月前老蔡已轉戰股市，重開股票基金，再揸鑊鏟。
上周政府突提高短期炒賣樓宇的印花稅，基本上在歐美國家亦曾有類似措施，若在短時間內頻頻買賣物業圖利，當地稅局早已搵你飲咖啡，其稅項亦非少少印花稅咁簡單！沉靜一段時間後，當地樓市又再活躍（仍記得筆者捱咗幾年，便已能獲利）。故參考該些國家情況，筆者估計除非港府再出新招，否則過一段時間（相信最少要數月）後，樓市可望平穩，屆時筆者又開始去睇樓，搵些早前遭業主反價的優質盤。
在政府重招下，本港地產股昨全線挫，但在全球資金氾濫，加上美國利率續低，筆者估計當優質地產股如長實（001）、新地（016）等再跌至更合理水平時，肯定會再吸引外資。現時地產發展股與其NAV平均約處15%至20%折讓，翻查過往紀錄，地產發展股與其NAV一般在30%至35%折讓，其承接力頗強，故筆者會靜候吸納新地機會。
譚紹興
作者為證監會持牌人士
mailto:[email protected]