仲有個幾月，2010年就byebye，全球都仲係立立亂，環球股市猶如食咗軟骨散咁，升極都升唔起。2011年又會係咩光景呢？「歐洲股神」安東尼．波頓就話：「環球股市家陣stillyoung，嚟緊會係multipleyears嘅牛市……家先至啱啱由phaseone跳入phasetwo，而二期大熱嘅，就係會growth嘅市場同股份！」
安東尼．波頓仲話：「呢個牛市looksnormal同sustainable……喺成個歐美嘅增長都唔多強嘅情況下，中國市場尤其耀眼！」
出年下半年係危險期
咁中國如斯耀眼，有咩心水先？「我睇好中國嘅消費、高價值製造同服務行業。」行走江湖近40載、咩風浪都見過嘅富達投資總裁波頓，比好多中國人更貼近中國的國情國策。
波頓又話，「相對於90年代嘅valuation，新興市場有排都未返到去，加上美國嘅次輪量化寬鬆（QE2）措施令到全球熱錢氾濫，資金又由發達國家流向增長潛力殷厚嘅新興市場，所以，我有信心新興市場會成為環球股市更上一層樓嘅最大推動力。之不過咁，出年下半年係股市危險期，投資者要特別小心。」似乎，股市暫時仲未過熱，大家未使擔心住，因為「hotmoneymaynotgonextyear！」
寧揀港銀多過內銀股
到底股神嘅策略係點呢？佢話A股家好貴，所以揀香港銀行股多過內銀股，整體嚟講亦鍾意投資香港同美國上市嘅中資股多啲，家佢個富達中國特別情況基金入面，15%係港美上市嘅中資股，只得10%係A股。
至於中國經濟，波頓話佢原先估中國經濟會喺秋風起嘅時候開始放慢落嚟，返回7至8%嘅水平，點知中國嘅信貸增長咁強勁，勁到可以撐得起成個中國經濟。所以，佢深信中國政府會繼續收緊貨幣政策，有關嘅措施應該出年先會見效。
歐洲股神心水推介
金融股：銀行、保險、地產代理、經紀
消費股：零售、酒、酒店同餐廳、汽車、流動通訊、傳媒、互聯網公司
李華華
mailto:[email protected]