特區政府再出招遏抑樓市連同內地進一步收緊銀根，噚日港股只跌81點收市，市況算係好強，當然個別受壓較大嘅股份嘅跌勢並冇反映喺恒指上面。
睇番噚日恒指嘅波幅同收市指數，投資者嘅情緒並唔係咁淡，觀望氣氛雖濃，但如果恒指呢兩日都守喺50日線（23180）樓上，相信買盤會漸漸轉趨積極。短炒方面，估計資金全集中喺紅籌同國企，強勢股可優先留意。
上石化C輪25189：上海石化（338）報收3.78元，升1.8%。上禮拜跌穿20日線再下試50日線，條中期平均線支持力好強，好快就反彈，噚日已經上番10日線樓上，成交算配合，會再試4元關，破位有機會推上4.25元，隻C輪25189可炒一轉。
隻輪現價33仙，2011年3月30日到期，行使價3.98元，溢價14%，引伸波幅45.8%，槓桿率11.5倍（有效5.5倍），正股見4.25元，25189睇59.6仙，正股跌穿3.63元就沽咗隻輪。
俊樺