劉心悠與樂隊Mr.昨日在尖沙嘴出席手機宣傳活動，心悠穿上lowcut長裙，當她站在台上宣傳產品時，裙子卻向下滑，其間她不小心地將手機跌在地上，場面尷尬，她即狼狽地俯身撿拾手機，令裙子加劇下滑，背部露出胸圍邊，差點走光。
事後心悠坦言跌手機一刻確是擔心會走光，她說：「因為企喺台上俾啲燈照住，不斷流汗，跌手機嗰吓就驚，我都知條裙向下跌，不過知道唔會跌晒，因為都幾緊，但郁得太多，自己都有啲緊張。條裙質地又唔可以黐膠紙，不過都冇乜大問題，近排又肥咗，可能飲得太多湯，啲湯鹹得滯，個人有啲水腫。」
此外，Mr.表示下月20日會和手機品牌合作舉行一場演唱會，雖然該天碰巧是劉德華演唱會，以及楊千嬅舉行婚宴，但相信不會影響演唱會吸引力。
採訪：IngridChan
攝影：EdwardChou