【惠州直擊】
將於下月5日舉行決賽的「2010亞洲小姐競選」，昨日17位候選亞姐以泳裝上陣到惠州拍攝外景，由於當地天氣轉冷，眾佳麗凍到手騰腳震。亞姐當中不乏好身材佳麗，年紀最大上圍34吋的韓國佳麗11號權蕙洙則稱冠，但只有31.5吋胸的14號貝安琪也不甘示弱，以一件細一碼的泳衣唧胸上陣，大胸細胸拼個夠。
今屆亞洲小姐將會於本月5日舉行，到時更會與無綫台慶頒獎禮打對台，一班佳麗近日積極備戰，務求施盡渾身解數幫亞視力撼無綫。昨日17位候選佳麗到惠州拍攝節目花絮，16號何婭萌因家中有事而缺席，眾佳麗穿上三點式泳衣示人，當中以三圍34、26、36的韓國佳麗11號權蕙洙最養眼；上圍只得31.5吋的印尼佳麗14號貝安琪比亞齊斯穿上泳裝時就比較輸蝕，她更因增磅而令衣不稱身，明顯細了一碼的泳衣，令她出現胸情況，認真有礙觀瞻。
年紀最大當賣點
被封為波神的權蕙洙雖然是眾位佳麗中年紀最大，現年27歲的她卻自信心爆棚，更自誇有樣貌及身材，她以韓文說：「兩樣都令我很滿足，自己狀態好好，有信心攞冠軍。」對於有傳內定三甲冠軍屬意3號萬嘉麗、亞軍16號何婭萌及季軍9號邱淑芬，權蕙洙就完全不擔心，反而會做好自己。不過提到她的年紀與萬嘉麗相差達9年時，她即說：「我身材樣貌都唔輸蝕畀其他佳麗，平時有做運動，睇落都唔會好大差別，而且我人生經驗豐富，是可取之處，自己心目中三甲就係我得冠軍，亞軍係邱淑芬，季軍就係你哋話內定嘅萬嘉麗。」
9號邱淑芬成面瘡
至於被封為內定冠軍的萬嘉麗則表示對傳聞未有所聞，她亦覺得消息未必可靠，最重要是決賽當日的臨場發揮。而皮膚甚差、成面爆瘡現身的邱淑芬就表示開心大家覺得她可得季軍，對於生到成面瘡她自言冇得擔心，她說：「睇咗醫生，自己接受咗，始終人冇完美。」
採訪、攝影：曾小嘉