馮仁昭四圍超：孫耀威投資百萬賣靚酒 - 馮仁昭

孫耀威噚日現身商台宣傳佢嘅新歌，佢仲話自己做咗CEO，認真威水。
孫耀威早前同朋友投資過百萬引入一隻法國酒，仲先後喺台灣同上海發售，近日佢哋將隻酒帶埋嚟香港賣，以求拓大市場。由於呢隻酒本身多人認識，孫耀威話唔使做太多宣傳都經已賣得好好，加上佢係愛酒之人，今次做生意可以順帶同人分享吓自己平日飲酒嘅心得。